• viermaal - 2
  • vier
  • viermaal

Uddel, groeit en GROEIT

UDDEL   -   Wie de leste tied deur Uddel fietst of met de auto ziet overal veul bedrijvigheid. Links en rechts komm'n de huuz'n a's paddestoelen uut de grond. De nieuwbouw a'n de Uddelsekampweg is zo goed a's klaor. Van de letste bouw hebb'n ze eerste nieuwe bewoeners de sleutel al ekreg'n. Vanaf de Uddelsekampweg hei je een mooi zicht op de bejaordenwoningen die iets naor achter staon. Het ziet d'r allemaol mooi uut. Een hele verbetering v'rgeleken met die 'ouwe nieuwbouw'. Van binnen o'k, mooie ruume huuz'n.

't Plan Aardhuus, doar begint de eerste fase o'k mooi op te schieten. De eerste huuz'n word'n binnenkort o'k op'elevert. Op papier zag het plan d'r al mooi uut, m'r in warkelijkheid is dat o'k zo. Verschillende types huuz'n bouwen ze doar. D'r was veul belangstelling veur. Binnenkort start'n ze met de verkoop van fase twee. En zo goan ze deur tot 't hele plan van zo'n honderd huuz'n klaor is.

D'r worden noen veul huuz'n bouwt, m'r d'r is een tied eweest dat d'r niks kon a's we in Uddel huuz'n vreug'n in Apeldoorn. De politieke wiend die toen vanuut Apeldoorn over Uddel wei'de was koud en kil. In de jaor'n negentig van de veurige eeuw ging'n ze Apeldoorn zelfs zo veer, dat a's we in Uddel huuz'n wou'n, dan most'n we met z'n all'n zo'n half miljoen ophoest'n veur honderddartig huuz'n. Uddels Belang, de spreekbuis van de Uddelse bevolking, ging zoa's altied veurop in de strijd, en dat doen ze nog steeds. De toenmalige veurzitter, Peter van Rhee, weigerde om met de pet rond te gaon. 't Is nooit van de grond 'ekomm'n. In de loop van de jaoren is men in Apeldoorn o'k wel gaon zien dat we in Uddel huuz'n nodig hadd'n en dat ze in Apeldoorn daor verantwoordelijk veur bin. Die koude en kille wiend is veraandert in een zachte veurjaorsachtige wiend. M'r we moet'n in Uddel niet denken dat we d'r noen bin. 't Is goed um veuruut te blieven kieken, naor de toekomst. Will'n we oons dorp levendig houd'n dan moet'n we bliev'n zorgen dat de jonger'n in Uddel kunn'n bliev'n woen'n. Uddel is een strijdbare dorpsgemeenschap en dat moet zo bliev'n.





7 Reacties


  1. Huurder
    18 maart 2015
    Juust! . Noe nog hoop'n dat dr ok meer winkels in 't darp komm'n, dan hoev'n we ok nie meer noar Elspeet of zo........................
  2. Uddelnaar
    18 maart 2015
    Beste huurder, je hoeft nu ook niet naar Elspeet, daar komen ook steeds minder winkels. Wij hebben in Uddel, vergeleken met andere dorpen, best nog veel winkels. Twee goede slagers, twee echte bakkers, 1 supermarkt. We hoeven voor de eerste levensbehoeften niet ergens anders heen. Eigen haard is goud waard. Maar ja, huurder je laat liever de kachel bij een ander branden, dan je 'eigen' huis te verwarmen?
    • Name
      19 maart 2015
      Ho ho, Uddelnaar, noe hè je me toch vurkeerd begreepn. Zeker, vur de eerste levensbehoeft'n kunn'n we in Uddel zat terecht, das zeker woar. Ik goa éch nie noar de nieuwe Plus, heur! Mèr ik bedoel, op ut gebied van kleer'n en huushoudelijke ding'n en zo, snap je?
      • Uddelnaar
        19 maart 2015
        M'n beste, je gaat toch niet in dezelfde kleding lopen als je 'buren'?
  3. Huurder
    19 maart 2015
    Uddelnaar, dat schrief je ok alleen mèr um ut leste woord te hem'n. :) :) :)
  4. Ok een uddelaar
    19 maart 2015
    Loat'n we mèr oppass'n met zulke bericht'n. Straks krieg'n we half Elspeet op ons dak umdat we doar de economie noar de knopp'n zouwen helpen ;). Ik bin trouwes ok nog niet noar de nieuwe plus eweest, doar niet van...
  5. Truus (Huurder)
    20 maart 2015
    Och, Ok een Uddelaar, dat zal wel meeval'n. 't Is nie meer zo as vrogger, toen konn'n ze mekaar niet luch'n of zien. We bin met z'n allen wel 'n klein bietje wiezer éworden, toch? Ik bin wel wezen kiek'n noar de nieuwe Plus, 'n hele mooie winkel, heur. Mer ik hou ut bie onze eigen vertrouwde Coop.

Laat een bericht achter

  • Over ons

    Uddel.info is een site waar je het heden en verleden over Uddel kunt vinden. De ondernemers uit Uddel staan erop. De meesten met een link naar de site van het desbetreffende bedrijf.

    Het verenigingsleven mag natuurlijk niet ontbreken. Verder de verschillende instanties, zoals, brandweer, gezondheidszorg, kerken en scholen.

  • Twitter

  • Facebook

203