Menu
Nieuwsoverzicht

Waarkbezeuk a’n Uddel

9 oktober 2015

494x gelezen
3

UDDEL    –   Donderdag 8 oktober was er ‘hoog bezeuk’ in Uddel. Niemand minder dan de dames en heren van de Apeldoornse road en van wiek’n en de darp’n van Apeldoorn waren veur een waarkbezeuk in oons mooie Uddel. ‘k Heb nargens ‘elezen dat ze zou’n kom’n. Misschien waren ze d’r om kiek’n of d’r plek was veur vluchtelingen? Nee, dat niet, vanuut ruumtelijke kwaliteit was er een excursie in en um Uddel. ’t Bestuur van oonze buurtvereniging was zonder twiefel een goed gastheer. Ze hebb’n in ieder geval die meens’n van de andere kaant van de Vosselt loaten zien hoe ‘uniek’ en hoe ‘histories’ en hoe mooi Uddel is. Wie bint al ruim twoalf honderd joar oud, dan b’ je zeker historisch te neum’n. A’je zo oud bint, dan b,je zeker uniek. ’t Mooie is d’r dan wel een bietje af. Ze hebb’n de groeistuup’n van Uddel bekeek’n. Uddel veraandert in een roazend tempo met al die nie’e huuz’n. De dames en heren van ’t warkbezeuk hadd’n ok nog oog veur oon’ze tuintjes. Ze vun’ dat ze d’r mooi bie lagen. M’er van de buurtvereniging vien ze dat we als Uddelsen ook buut’n oons tuinhekje moet’n kiek’n. ’t Gres dat doar steet meien en ’t grint, a’s ’t d’r ligt, harken. ’t Is een kleine meuite en kunn’n we zelf veul doen vie’n ze bie de buurtvereniging. Misschien hebb’n ze wel geliek. De route die de dames en heren e’lopen he’n doar bin ze waarschijnlijk gien bloembakk’n tegen e’komm’n. Doar kunn’n we a’s darp niet trots op weez’n. Sommige bloembakk’n bin zoemers koal en ’s wienters greun. Verkeerde bloem’n in de verkeerde tied van ’t joar?

De dames en heren bin ok bie ’t Uddelermeer ‘eweest. Oonze veurzitter, Evert Jan, hee’t doar een vlammend betoog ‘ehouw’n um ’t weer zwemwoater te maken. D’r moet weer leev’n in de brouwerie komm’n. Evert Jan steet daor op een boomstam woar ze een bank van ‘e maakt hebb’n. A’n z’n zwaai’n met z’n arm’n zou je denk’n dat ie het bezeuk ’t woater in wil proat’n. Um te ervaren hoe fijn ’t is om in ’t Uddelermeer te kunn’n zwemmen. ’t Woater loopt Evert Jan in de mond, alleen bie ’t idee al. Doar hadd’n ze niet op ‘erekent. ’t Zwemgrei lag nog thuus. ’t Zou mooi weez’n a’s we weer kunn’n zwemmen in oons Uddelermeer. A’s niet lukt: ‘Gelukkig hebb’n we de foto’s nog’.

We moog’n trots weez’n op oons mooie Uddel en ok op het bestuur van oon’ze buurtvereniging. Ze stopp’n veul vrie’e tied in ’t bestuurwark. En dat allemoal belangeloos veur Uddel en heur inwoeners. Ze zorgen d’r veur dat we a’s darp een stem hebben bie de gemeente, de provincie en overal woar ’t nodig is.

Dames en heren van de raad: Wij, in Uddel, willen best zelf wat doen als dat nodig is. Dat hebben we laten zien aan de Van Waalswijkweg met de parkeerstrook. Ook de gemeente heeft daar een bijdrage aan geleverd. Op deze manier met elkaar samenwerken, dat schept een vertrouwensband. Daarvoor moet je ook durven investeren in een dorpsgemeenschap als Uddel.

 

foto’s komen van twitter

 

Background

Mis nooit meer het nieuws uit Uddel!

Volg ons op social media of schrijf je in voor onze nieuwsbrief en blijf op de hoogte van de laatste ontwikkelingen en evenementen in en om Uddel.

IN JE INBOX