Menu
Nieuwsoverzicht

Nedersaksisch wordt beschermde streektaal

8 oktober 2018

994x gelezen
1

UDDEL    –    ’t Uddelse dialect beheurt tot ’t West Veluwse dialect. En dat heurt weer tot ’t Nedersaksiese dialect. Een streektoal die in verschillende Veluwse gemeentes ‘espreuken wördt. Elk darp en streek kent z’n eigen dialect. Mer a’je alles op een hoop gooit neum’n ze dat Nedersaksies.

Was ’t altied zo dat ze je een bietje minachtend bekeek’n a’je plat proaten. Dat zal noe wel aanders word’n. Want ’t Nedersaksies wordt een officieel erkende streektaal. ’t Rijk en de provincies Gelderlaand, Groningen, Frieslaand, Drenthe en Overijssel teken’ dizze week een convenant. ’ t Is een uutstarvende toal en die krieg doarmee meer bescherming. Die overheden spreek’n in dat convenant af dat ze d’r alles a’n goan doen om ’t Nedersaksies te behou’n en ’t gebruuk te stimuleren.

D’r bin noar schatting zo’n 4,8 m’ljoen meensen die Nedersaksies proat’n. Doar heur’n we a’s Uddelsen o’k bie. Dan ku’je toch zeg’n da’je tot een grote familie beheure’n.  ’t Aantal meensen dat nog dialect spreekt neemt wel af, d’r bin steeds meer ouders die hun kiender dat niet meer leer’n. Da’s wel jammer, d’r geet zo een stukje cultuur verleur’n. M’er soms o’k wel begriep’lijk.

Toch mooi dat we beschermd worden door de overheid, al is het maar om de toal.

 

Background

Mis nooit meer het nieuws uit Uddel!

Volg ons op social media of schrijf je in voor onze nieuwsbrief en blijf op de hoogte van de laatste ontwikkelingen en evenementen in en om Uddel.

IN JE INBOX